झोळे गावात सत्तर वर्षीय वृद्धाचा खून ; गावात भीतीचे वातावरण

संगमनेर  तालुक्यातील झोळे गावामध्ये साहेबराव भिमाजी उनवणे या 70 वर्षीय वृद्धाचा अज्ञात व्यक्तीने धारदार शास्त्राने खून केला. झोळे गावात घराच्या पडवी मध्ये रविवारी रात्री जेवण करून साहेबराव उनवणे हे झोपी गेले, मध्यरात्रीच्या सुमारास अज्ञात व्यक्तीने धारदार शास्त्राने त्यांच्या डोक्यावर वार करून त्यांचा खून केलाय, सोमवारी सकाळी साहेबराव सोनवणे यांची सून श्रद्धा ही घराबाहेर येतात आपले सासरे हे रक्ताच्या  थारोळ्यात पडलेले दिसले, त्यानंतर तिने  आरडाओरोड केली, त्यानंतर त्यांचा मुलगा दीपक यांने तात्काळ या घटनेची माहिती संगमनेर तालुका पोलिसांना दिली. घटनेची माहिती मिळताच तालुका पोलीस ठाण्याचे पोलीस निरीक्षक देविदास ढुमणे, उपविभागीय पोलीस अधिकारी सोमनाथ वाघचौरे, पोलीस कॉन्स्टेबल अमित महाजन, यांसह पलिसांनी घटनास्थळी धाव घेतली, त्यानंतर पोलिसांनी घटनास्थळाचा पंचनामा केला, मात्र घटनास्थळी कोणत्याही वस्तू आढळून आलेल्या नाहीत अशी माहिती संगमनेर तालुका पोलिसांनी दिली आहे. घटनास्थळी श्वान पथकालाही पाचरण करण्यात आलं होतं ,त्या बरोबर फॉरेन्सिक लॅबच्या कर्मचाऱ्यांना बोलवण्यात आले होते ,या घटनेनंतर झोळे गावात काही काळ तणावाचं वातावरण निर्माण झालं होतं, या घटनेचा संपूर्णतः तपास केला जाईल अस आश्वासन उपविभागीय पोलिस अधिकारी सोमनाथ वाघचौरे यांनी दिला आहे. दरम्यान या प्रकरणी संगमनेर तालुका पोलीस ठाण्यात खुनाचा गुन्हा दाखल करण्याचं काम सुरू आहे. संगमनेर तालुका पोलीस आरोपीच्या शोधात असून यातील आरोपींना लवकरात लवकर अटक करू असा आश्वासन संगमनेर तालुका पोलीस ठाण्याचे पोलीस निरीक्षक देविदास ढुमणे यांनी दिले आहे