निष्ठेच्या शाईने इतिहास लिहिणारा अवलिया  संपादक – गोरक्षनाथजी  मदने”

“मितभाषी, निर्भिड आणि जनतेचा माणूस “

 “पत्रकारितेच्या आभाळात चमकणारा ध्रुवतारा “

 वाढदिवसानिमित्त हृदयातून शुभेच्छा 

पत्रकारितेचा प्रवास हा नेहमीच आव्हानांचा, संघर्षाचा आणि सत्याशी निष्ठा राखण्याचा असतो. या कठीण मार्गावर स्वतःची वेगळी ओळख निर्माण करणारे, मितभाषी पण कामात अत्यंत परखड, कोणत्याही संकटाच्या क्षणीही असतमुख राहून सहकाऱ्यांना धीर देणारे आणि सर्वांना आपल्या हक्काचा माणूस वाटणारे व्यक्तिमत्त्व म्हणजे श्री. गोरक्षनाथ मदने. व्हाईस ऑफ मीडियाच्या केंद्रीय समितीचे माननीय सदस्य तसेच C-News मराठी वृत्तवाहिनी व दैनिक नायकचे परखड संपादक म्हणून त्यांनी केलेले योगदान उल्लेखनीय आणि प्रेरणादायी आहे.

जिथे अनेकांना संधी मिळण्यासाठी वर्षानुवर्षे प्रतीक्षा करावी लागते, तिथे खडतर पार्श्वभूमीवरून आलेल्या मदने सरांनी केवळ मेहनत, प्रामाणिकता आणि चिकाटी यांच्या जोरावर पत्रकारिता क्षेत्रात आपले स्वतंत्र स्थान निर्माण केले. सुरुवातीच्या टप्प्यातील उपकरणांची मर्यादा, संसाधनांचा अभाव, कठीण परिस्थितीत बातमी संकलन—या प्रत्येक आव्हानाला त्यांनी न घाबरता तोंड दिले. सत्याला पाठबळ देणे आणि निर्भिड पत्रकारिता करणं, हा त्यांचा बाणा सुरुवातीपासूनच अढळ राहिला.

मदने सरांचे वैशिष्ट्य म्हणजे त्यांचा सदैव हसतमुख आणि संतुलित स्वभाव. कोणतीही समस्या कितीही गुंतागुंतीची असली, तरी त्यांनी कधीही आपला शांतपणा सोडला नाही. “मोठ्या संकटातही मोठे होऊन उभे राहायचे” हे त्यांचे आयुष्याचे ब्रीद वाक्यच जणू. सहकारी पत्रकार, समाजातील वंचित घटक, तरुण मित्र–प्रत्येकासाठी ते सहज उपलब्ध, मार्गदर्शक आणि मनापासून मदत करणारे आहेत.

त्यांच्या संपादकीय लेखनात नेहमीच सामाजिक बांधिलकी, लोकहिताची जाणीव आणि सत्यनिष्ठा दिसून येते. कोणत्याही विषयाचा अभ्यास करून, संबंधित कागदपत्रांची पाहणी करूनच निष्पक्ष बातमीदार म्हणून ते वाचकांपुढे सत्य मांडतात. म्हणूनच त्यांच्या पत्रकारितेवर सर्वसामान्य नागरिकांचा विश्वास दृढ आहे. त्यांच्या नेतृत्वाखाली C-News मराठी आणि दैनिक नायकने अनेक सामाजिक प्रश्नांना न्याय मिळवून दिला, अनेक स्थानिक समस्यांना प्रकरतेने आवाज दिला.

आज त्यांच्या वाढदिवसानिमित्त त्यांचा संघर्षमय प्रवास, संवेदनशील लेखनशैली आणि समाजासाठी असलेली बांधिलकी यांना सलाम करावा तितका कमी आहे.
अशा थोर व्यक्तिमत्त्वाचा जन्मदिन हा फक्त आनंदाचा क्षण नाही तर भावी पत्रकारांसाठी प्रेरणादायी दिवस आहे.

 आदरणीय गोरक्षनाथजी  मदने सरांना वाढदिवसाच्या हार्दिक शुभेच्छा!
आपले कार्य असेच निरंतर तेजोमय राहो, यशाच्या नवीन शिखरांवर आपला झेंडा सदैव फडकत राहो—हीच सदिच्छा!