बहुचर्चित म्हाळुंगी पूलासह संगमनेर शहराच्या विकास कामासाठी ७ कोटींचा निधी मंजूर !
खासदार सदाशिव लोखंडे यांचा मुख्यमंत्र्यांकडे पाठपुरावा
संगमनेर / लोकवेध live न्यूज
महाराष्ट्र शासनाच्या नगर विकास – विभागाच्या वैशिष्ट्यपूर्ण योजनेमधून शिर्डीचे
खासदार सदाशिव लोखंडे यांच्या विशेष प्रयत्नातून संगमनेरमधील बहुचर्चित ठरलेल्या म्हाळुंगी नदीवरील पुलासह नगरपालिका क्षेत्रातील अंतर्गत रस्त्यासाठी ७ कोटी रूपयांचा निधी मंजूर झाला आहे.
मागील वर्षी पावसाळ्यात म्हाळुंगी नदीवरील पूल वाहून गेला होता. त्यामुळे शहरातील
साईनगर पंपिंग स्टेशन, घोडेकर मळा या भागात जाण्यासाठी रस्ताच नसल्यामुळे नागरिकांचे हाल होत होते
खासदार सदाशिव लोखंडे यांच्याकडे पूल
बांधण्यासाठी निधी उपलब्ध व्हावा, अशी मागणी केली होती.
खासदार लोखंडे यांनी मुख्यमंत्री एकनाथ शिंदे यांच्याकडे या पुलाच्या कामासाठी निधी मिळण्यासाठी पाठपुरावा केला. मुख्यमंत्री एकनाथ शिंदे यांनी या पुलाच्या दुरुस्तीसाठी तसेच शहरांतर्गत रस्त्यांसाठी निधी उपलब्ध करून देण्याबाबतचे आदेश नगरविकास विभागाच्या उपसचिवांना दिले होते. त्यानुसार वैशिष्ट्येपूर्ण योजनेंतर्गत नगरपरिषदांना वितरित करावयाच्या निधीतून हा निधी मंजूर करण्यात आला आहे.
संगमनेर शहरातील नगरपरिषदेच्या हद्दीतील विविध भागात किती निधी मंजूर झाला पहा
साईनगर आणि पंपिंग स्टेशन कडे
जाणाऱ्या म्हाळुगी नदीवरील पुलासाठी साडेचार कोटी रूपये, संगमनेर नगरपरिषद हद्दीत इंदिरा गार्डन आणि गार्डनचा दक्षिण व उत्तर बाजूचा परिसर सुशोभीकरण करणासाठी २० लाख रूपये, संगमनेर नगरपरिषद हद्दीत लिंक रोड नाशिक-पुणे हायवे चौक सुशोभीकरण २० लाख, संगमनेर नगरपरिषद हद्दीतील भारत चौक सुशोभीकरण करणे १५ लाख, संगमनेर नगरपरिषद हद्दीत साई श्रद्धा चौक सुशोभीकरण करणे २० लाख रुपये,
संगमनेर नगरपरिषद हद्दीत कोल्हेवाडी रोड नाटकी नाल्यावर पूल बांधणे आणि सुशोभीकरण करणे ३० लाख रूपये, संगमनेर नगरपरिषद हद्दीत स.नं. १५६ सखाहरी गुंजाळ यांचे खुल्या जागेत सुशोभीकरण कामासाठी १५ लाख रूपये, संगमनेर नगरपरिषद हद्दीत स. नं१२४ (३७२) पे मधील ओपन स्पेसमध्ये सुशोभीकरण कामासाठी १० लाख रूपये, संगमनेर नगरपरिषद हद्दीत पावबाकी रोड दुतर्फा बाजूस फुटपाथ करून सुशोभीकरण कामासाठी ७० लाख रूपये.
संगमनेर नगर परिषद अलकानगर नाटकी नाल्यावर पूल बांधणे व सुशोभीकरण कामासाठी ३० लाख रूपयांचा आणि संगमनेर नगरपरिषद हद्दीत कुरणरोडकडे जाणारा नाटकी नाल्यावर पूल बांधणे व सुशोभीकरण कामासाठी २० लाख रूपये असा एकूण ७ कोटींचा निधी मंजूर करण्यात आला आहे.
त्यामुळे लवकरात लवकर या विकासकामांना सुरुवात होणार असल्याचे खासदार लोखंडे यांनी सांगितले.