आ.थोरात यांच्या वाढदिवसानिमित्त संगमनेर मध्ये 4 ते 7 फेब्रुवारी शिवपुत्र संभाजी महानाट्य

संगमनेर शहरासाठी निळवंडे थेट पाईपलाईन योजना ,बायपास, हायवे, हॅप्पी हायवे, विविध वैभवशाली इमारती,हायटेक बस स्थानक यांसह गार्डन युक्त शहर, नागरिकांसाठी सातत्याने विविध सुविधा, सर्वधर्मसमभाव, हे वैशिष्ट्य ठरले आहे. याचबरोबर सहकारातून समृद्धी निर्माण करताना विविध सहकारी व शैक्षणिक संस्था देशपातळीवर आक्रमणांकित ठरल्या आहेत.

दुष्काळी भागासाठी निळवंडे धरण व कालवे पूर्ण करून दुष्काळी भागाला पाणी दिल्याने ते महाराष्ट्राचे खरे जलनायक ठरले आहे. अत्यंत साध्या पद्धतीने आमदार थोरात यांनी कायम वाढदिवस केला असून यावर्षी लोकनेते बाळासाहेब थोरात मित्र मंडळाच्या वतीने महाराष्ट्रातील मराठ्यांचा ज्वलंत इतिहास सांगणारे धगधगते महानाट्य चार फेब्रुवारी ते सात फेब्रुवारी या काळात जाणता राजा मैदानावर सर्वांना मोफत पाहता येणार आहे.

आमदार थोरात यांच्या वाढदिवसाच्या निमित्ताने होणाऱ्या या भव्य दिव्य महानाट्यात खासदार डॉ. अमोल कोल्हे हे संभाजी महाराज भूमिकेत असून महाराणी येसूबाईच्या भूमिकेत स्नेहलता वसईकर, अनाजी पंतांच्या भूमिकेत महेश कोकाटे, कविकलशांच्या भूमिकेत अजय तकपिरे, सेनापती हंबीररावच्या भूमिकेत रमेश रोकडे तर दिलेरखान आणि मुकर्रबखानाच्या दुहेरी भूमिकेत विश्वजीत फडतेंसोबत अनेक सिनेकलावंतांचा सहभाग या असणार आहे.

तडाखेबाज संवाद, 120 फुटी भव्यदिव्य किल्ल्याचा रंगमंच,  खरी खुरी लढाई, हत्ती,घोडे आणि बैलगाड्यांचा वापर, 26 फुटी जहाजावरून जंजिरा मोहीम, चित्तथरारक घोडेस्वारी, संपूर्ण मैदानाचा रंगमंच म्हणून वापर सोबत 150 पेक्षा जास्त कलाकार सहभागी होणार आहेत. या महानाट्याची जाणता राजा मैदानावर जय्यत तयारी सुरू आहे.

तरी सर्वांसाठी मोफत असलेल्या या महानाट्याचा सर्व नागरिक तरुण बंधू-भगिनी यांनी लाभ घ्यावा असे आवाहन लोकनेते बाळासाहेब थोरात मित्र मंडळ, व गौरव समिती यांच्या वतीने करण्यात आले आहे.