शिवसेना पक्षप्रमुख उद्धव ठाकरे यांच्या विषयी विकृत पोस्ट व्हायरल..

संगमनेर पोलिस शहरात समाज

माध्यमातून वातावरण दूषित

करण्याचा प्रयत्न करणाऱ्यांविरोधात

कोणती भूमिका घेतात याकडे लक्ष

लागले आहे. दरम्यान प्राथमिक

उपायोजना करताना पोलिसांनी

संबंधित व्हाट्सअप ग्रुपच्या

अॅडमिनला नोटीस बजावली आहे.

संगमनेरात गेल्या काही दिवसातील

जातीय प्रकार बघता या संबंधाने

समाज माध्यमात देखील विविध

प्रकारच्या चर्चा सुरू होत्या. यातूनच

दोन धर्मीयात तेढ निर्माण करण्याचा

प्रयत्न असल्याचा देखील आरोप

सातत्याने होत होता. मात्र वेळीच

प्रशासनाने या गोष्टी काबूत

आणल्याने अनर्थ टळला.

हे दंगली भडकविण्याचे कारस्थान….

नगर जिल्ह्यात दोन्ही ठिकाणी

महाविकास आघाडीचे उमेदवार

निवडून येण्याच्या चर्चा असल्याने

दोन धर्मात तेढ निर्माण करणारे

मनोविकृत माणसे संगमनेरमध्ये

दंगली घडविण्याचे कट कारस्थान

करत आहेत. समाजमाध्यमावर

यापूर्वदिखील दीपक भगत व

मणियार यांनी उद्धव ठाकरे, शरद

पवार, राहुल गांधी यांच्याविषयी असे

व आक्षेपार्ह मजकूर लिहून

फेसबुक आणि व्हॉट्सअपवर

प्रसारित केला होते. तसेच “सौ शहरी

एक संगमनेरी” या व्हॉट्सअप ग्रुपवर

त्याने प्रसारित केलेला फोटो हा

आक्षेपार्ह असून आमच्या भावना

दुखावल्या आहेत. त्याचप्रमाणे

ताजिया, मिरवणूक वगैरे शब्द

वापरुन हिंदू-मुस्लिम वाद निर्माण

करायचा याचा उद्देश असल्याचा

संशय आम्हाला येत आहे. तरी अश्या

मनोविकृत लोकांचा आपण तातडीने

बंदोबस्त करावा. जेणेकरुन

शहरातील वातावरण दूषित होणार

नाही. अन्यथा संगमनेरमध्ये जातीय

दंगल, समाजात तेढ निर्माण होऊन

तणाव घडू शकतो अशा चुकीच्या

गोष्टीला पायबंद बसावा यासाठी या

समाजकंटकांवर गुन्हा दाखल करावा.

अमर कतारी, माजी शहरप्रमुख ( शिवसेना, उद्धव बाळासाहेब ठाकरे)