एकतेचा संदेश घेऊन रणजितसिंह देशमुख यांची अंभोरे गणेश मंडळांना सदिच्छा भेट” 

“एकतेचा संदेश घेऊन रणजितसिंह देशमुख यांची अंभोरे गणेश मंडळांना सदिच्छा भेट” 

अंभोरे / लोकवेध live न्यूज

गणेशोत्सव हा आनंद, एकता आणि भक्तीचा पर्व आहे. या पर्वात प्रत्येक वाड्या-शिवारातून, प्रत्येक समाजातून, प्रत्येक घराघरातून उमटणारा “गणपती बाप्पा मोरया” चा गजर म्हणजे समाजातील बंधुभावाचे प्रतिकच! याच भावनेने महाराष्ट्र राज्य सहकारी दूध महासंघ तथा संगमनेर तालुका सहकारी दूध उत्पादक व प्रक्रिया संघाचे चेअरमन, सन्माननीय मा. रणजितसिंह देशमुख यांनी अंभोरे येथे विविध गणेश मंडळांना सदिच्छा भेट देत श्री गणेशाची आरती करण्याचा मान मिळविला.

🎉 स्वागताचा उत्साह – गाव ठणाणून गेले

देशमुख यांच्या स्वागतासाठी गावठाणात उत्सवाचेच स्वरूप आले होते. जय बजरंग नवयुवक गणेश मंडळाने तोफांची सलामी, फटाक्यांची आतिषबाजी आणि जल्लोषमय स्वागत करून उपस्थितांना रोमांचित केले. मातोश्री प्रतिष्ठान, आमनटेक, संघर्ष एकता गणेश मंडळ, जय बजरंग नवयुवक मंडळ गावठाण, एकता गणेश मंडळ वडाची खोरी या मंडळांना त्यांनी भेटी देत श्री गणेशाची आरती केली.

✨ रोषणाईचे अप्रतिम दर्शन

गावठाणातील हनुमान मंदिर परिसर विद्युत रोषणाईने उजळून निघाला होता. भव्य स्वागत कमानी, आकर्षक फ्लेक्स, दिव्यांचा झगमगाट आणि भक्तीभावाने सजलेला परिसर हे सर्वांचे मन वेधून घेत होते.

🙏 धर्मनिरपेक्षतेचा आणि ऐक्याचा संदेश

देशमुख यांनी आपल्या भाषणातून लोकमान्य टिळकांची आठवण करून दिली. ते म्हणाले –
“गणेशोत्सव हा फक्त धार्मिक सोहळा नसून तो समाजाला एकत्र आणणारा, सांस्कृतिक उन्नतीसाठी प्रेरणा देणारा आहे. टिळकांनी दाखवलेला ‘हम सब एक है’ हा संदेश आजही ग्रामीण भागात प्रभावीपणे जिवंत आहे. गणेशोत्सव काळात सर्वजण वाडी-वस्त्यांवरून एकत्र येतात, महाप्रसाद घेतात आणि एकतेची अखंड परंपरा जोपासतात, हेच आपल्या संस्कृतीचे वैशिष्ट्य आहे.”

🌟 युवकांसाठी प्रेरणादायी आवाहन

देशमुख यांनी उपस्थित तरुणांना संदेश दिला –
“गणेश मंडळांनी अशाच संघटित पद्धतीने सामाजिक, धार्मिक व राजकीय कार्यात सहभाग घ्यावा. समाजातील ऐक्य टिकवण्यासाठी युवकांनीच पुढाकार घेतला पाहिजे. एकत्रित राहणे, हेच आपल्या प्रगतीचे गमक आहे.”

🌸 श्री गणेशाला वंदन

शेवटी देशमुख यांनी भावनिक शब्दात प्रार्थना केली –
“हे गणराया, तुच जगाचा तारणहार आहेस. सर्वांना सुख, समृद्धी, उत्तम आरोग्य आणि दिर्घायुष्य दे. दुःखांचे हरण करून सर्वांच्या जीवनात मंगलमय प्रकाश पसरव.”

👥 मान्यवरांची भव्य उपस्थिती

या प्रसंगी श्री. किसनराव खेमनर, श्री. सुभाषराव हळ्नोर, श्री. रमेशराव खेमनर, डॉ. प्रा. आण्णासाहेब जगनर, श्री. तुळशीराम मलगुंडे, श्री. हौशिराम वाघमोळे, श्री. गोविंद खेमनर, श्री. ठका खेमनर आदींसह गावातील विविध संस्थांचे पदाधिकारी, गणेश मंडळांचे अध्यक्ष-उपाध्यक्ष, महिला, युवक-युवती व जेष्ठ नागरिक मोठ्या संख्येने उपस्थित होते.