🌟 “एक अभ्यासू नेतृत्व सह्याद्रीच्या  शैक्षणिक शिखरावर” – एस.एम. खेमनर  सर प्राचार्यपदी विराजमान! 🌟

🌟 “एक अभ्यासू नेतृत्व सह्याद्रीच्या  शैक्षणिक शिखरावर” – एस.एम. खेमनर  सर प्राचार्यपदी विराजमान! 🌟

विचारवंत शिक्षकाची शैक्षणिक सिंहासनावर नियुक्‍ती – मन:पूर्वक अभिनंदन!

संगमनेर : लोकवेध live न्यूज

संगमनेर तालुक्यातील शिक्षण क्षेत्रातील अग्रगण्य संस्था सह्याद्री बहुजन विद्या प्रसारक समाज शिक्षण संस्था संचलित सह्याद्री विद्यालय आणि ज्युनियर कॉलेज यांच्या प्राचार्यपदी अंभोरे गावचे सुपुत्र, ज्येष्ठ मार्गदर्शक, विचारवंत, साहित्यिक, लेखक आणि अत्यंत अभ्यासू व्यक्तिमत्त्व असलेले मा. श्री. सखाराम मंजाबापू खेमनर (एस.एम. सर) यांची नियुक्ती झाली असून, हा क्षण संपूर्ण सह्याद्री परिवारासाठी अभिमानाचा ठरला आहे.

एस.एम. सर हे शिक्षण क्षेत्रात तीन दशके अनुभव लाभलेले, विद्यार्थी केंद्रित आणि मूल्याधिष्ठित शिक्षण तत्त्वांचा पुरस्कार करणारे व्यक्तिमत्त्व आहे. त्यांच्या नियुक्तीमुळे संस्थेच्या शैक्षणिक प्रगतीला नवसंजीवनी मिळेल, असा विश्वास व्यक्त होत आहे.

ते महाराष्ट्र राज्याचे लोकप्रिय नेते व माजी महसूल, कृषी व शिक्षण मंत्री मा. बाळासाहेब थोरात साहेब यांचे एकनिष्ठ सहकारी असून, सह्याद्री शिक्षण संस्थेचे अध्यक्ष मा. आमदार डॉ. सुधीरजी तांबेसाहेब आणि मा. आमदार सत्यजितदादा तांबेसाहेब यांचेही अत्यंत विश्वासू  आहेत. तसेच संस्थेचे सचिव मा. रणजीतसिंह देशमुख साहेब यांचे देखील ते निकटवर्तीय व सहकारी आहेत.

विद्यार्थ्यांशी नातं जपणारा शिक्षक, सहकाऱ्यांशी सौहार्द जपणारा सहकारी आणि व्यवस्थापनाशी निष्ठा जपणारा कर्तबगार नेतृत्व म्हणून त्यांची ओळख आज पुन्हा एकदा सिद्ध झाली आहे.

या निवडीबद्दल एस.एम. सर यांचे सर्वत्र अभिनंदन होत असून, त्यांना पुढील कार्यकाळासाठी समाजाच्या, विद्यार्थ्यांच्या आणि शिक्षण क्षेत्रातील सर्वांच्या वतीने मनःपूर्वक शुभेच्छा दिल्या जात आहेत.

🌸💐 “आपल्या कार्यातून सह्याद्रीच्या यशस्वी वाटचालीला नवे आयाम मिळो”, अशा सदिच्छा! 💐🌸