सेवाभावी शिक्षकाच्या सेवेचा सोहळा… तीन दशकांच्या ज्ञानयात्रेला मानाचा मुजरा!”
– प्राचार्य कैलास वर्पे यांच्या सेवानिवृत्ती गौरव समारंभास उत्स्फूर्त प्रतिसा
कनोली (संगमनेर) लोकवेध live न्यूज
सह्याद्री बहुजन विद्या प्रसारक समाज संचलित मा. श्री. भाऊसाहेब संतुजी थोरात माध्यमिक व उच्च माध्यमिक विद्यालय, कनोली येथील प्राचार्य मा. कैलास म्हातारबा वर्पे यांनी तब्बल ३५ वर्षांहून अधिक काळ शैक्षणिक, सांस्कृतिक व क्रीडा क्षेत्रात यशस्वी कार्य करून नियमानुसार सेवा निवृत्ती पत्करली. त्यांच्या सेवानिवृत्ती निमित्त आयोजित सेवापूर्ती गौरव समारंभ मंगळवार, दि. २२ जुलै २०२५ रोजी विद्यालयाच्या प्रांगणात भव्यदिव्य वातावरणात पार पडला.
कार्यक्रमाची सुरुवात सरस्वती पूजन व दीपप्रज्वलनाने झाली. विद्यार्थिनींनी स्वागत गीत सादर करून सर्व उपस्थितांचे मन जिंकले.
कार्यक्रमाच्या अध्यक्षस्थानी डॉ. सुधीर तांबे, चेअरमन – सह्याद्री बहुजन विद्या प्रसारक समाज, संगमनेर हे होते.
या प्रसंगी प्रमुख पाहुणे म्हणून आणि मान्यवर म्हणून उपस्थित होते: स्थानिक स्कूल कमिटीचे अध्यक्ष सिताराम वर्पे पांडुरंगशेठ घुले, मा. गणपतराव सांगळे, सुरेशराव थोरात, सतीश वर्पे, मा. सुमंत कोल्हे, भाऊसाहेब पवार, नानासाहेब वर्पे, आर. एल. वर्पे, मिनानाथ वर्पे, प्रकाश वर्पे, बंडू वर्पे, लहानभाऊ वर्पे, प्रा. दिलीप नवले, जनार्दन पवार, सोपानराव माने, रविंद्र थोरात, अर्जुन खुळे, बाळासाहेब ब्राम्हणे, घोलप सर, भालके पाहुणे, दत्तात्रय थोरात, साहेबराव खुळे, शिवाजीराव काळे, चंद्रभान खतोडे, सतीश खतोडे, सागर हासे, गंगाराम घारे, प्रकाश गोर्डे, गुलाब भोर, प्राचार्य बी. एम. गायकवाड,
तसेच शिक्षकेतर प्रतिनिधी थॉमस जगताप, स्थानिक शाळा समिती, शालेय व्यवस्थापन समिती, पालक संघ, ग्रामपंचायत सदस्य, तसेच कनोली गावातील ग्रामस्थ मोठ्या संख्येने उपस्थित होते.
प्राचार्य कैलास वर्पे हे शिस्तप्रिय, निष्ठावान, विद्यार्थ्यांप्रती समर्पित आणि नेहमी प्रेरणास्थान राहिले. त्यांच्या नेतृत्वाखाली शाळेने शैक्षणिक, सांस्कृतिक व क्रीडा क्षेत्रात भरीव प्रगती साधली. आपल्या शाळेबद्दल कृतज्ञता व्यक्त करत त्यांनी ७५ हजार रुपयांची देणगी देऊन उपस्थितांची मने जिंकली.
कार्यक्रमाचे प्रास्ताविक व सूत्रसंचालन विद्या देवकर व गोरक्षनाथ थोरात यांनी सुरेखपणे पार पाडले.
कार्यक्रमाचे आयोजन अत्यंत भावनिक व प्रेरणादायी वातावरणात पार पडले.
या गौरव समारंभाने प्राचार्य कैलास वर्पे सरांच्या तीन दशकांच्या समर्पित कार्याला कृतज्ञतेचा सलाम अर्पण केला. सर्व मान्यवरांनी त्यांना पुढील आयुष्यासाठी उत्तम आरोग्य, समाधान आणि सक्रिय जीवनाच्या शुभेच्छा दिल्या.