भारताच्या शिक्षण व्यवस्थेच्या पायाभरणीत अब्दुल कलाम आाझाद यांचे मोलाचे योगदान – आ. थोरात

यशोधन कार्यालय येथे मौलाना अब्दुल कलाम आझाद यांच्या जयंती निमित्त व पंडितराव तात्या थोरात यांच्या स्मृतिदिनानिमित्त आयोजित अभिवादन कार्यक्रमात ते बोलत होत. यावेळी नवनाथ आरगडे,जावेद शेख, नजीर सय्यद प्रा. बाबा खरात, सुरेश झावरे, श्रीराम कुऱ्हे ,अनिल थोरात आदी मान्यवर उपस्थित होते.

यावेळी आ. थोरात म्हणाले की, मौलाना अब्दुल कलाम आझाद हे महात्मा गांधी याच्या नेतृत्वाखाली भारतीय स्वातंत्र्य लढ्यात सहभागी झालेले महत्वाचे नेते होते. ते काही काळ भारतीय राष्ट्रीय काँग्रेसचे अध्यक्षाही होते. त्यांचा इस्लाम धर्माचा खुप अभ्यास होता. मौलाना अब्दुल कलाम आझाद यांनी नेहमी धर्मनिरपेक्षता व राष्ट्रीय एकात्मतेला महत्व दिले. आजच्या युगात आपल्या समोर राष्ट्रीय एकसंघता व राष्ट्रीय एकात्मता ही अधिक मजबुत करण्याची गरज आहे. आज धर्माच्या, जातीच्या नावावर लोकामध्ये फुट पाडली जात आहे. लोकशाहीच्या दृष्टीने हे अत्यंत दुर्दैवी आहे.