महंत दत्तगिरी महाराज यांच्या भव्य  मिरवणुकीने आणि ज्ञानेश्वरी पारायणाने ब्रह्मलीन माणिक गिरी महाराज व बिरोबा महाराज सप्ताहास  प्रारंभ

    संगमनेर तालुक्यातील श्रीक्षेत्र वरवंडी येथे रविवार दिनांक १७ सुरू होणाऱ्या ब्रह्मलीन माणिक गिरी महाराज व बिरोबा महाराज सप्ताहास महंत दत्तगिरी महाराज यांच्या भव्य   मिरवणुकीने आणि ग्रंथराज ज्ञानेश्वरी पारायण व होम हवनाने हरिनामाच्या गजरात व भक्तमय वातावरणात प्रारंभ झाला

 भाविकांनी सप्ताहाचा आनंद घ्यावा – महंत दत्तगिरी महाराज 

        ब्रह्मलीन माणिकगिरी महाराज व बिरोबा महाराज अखंड फिरता नारळी सप्ताहाचे हे पंधरावे वर्ष असून वरवंडीकरांनी या सप्ताहाचे आयोजन अतिशय नियोजनबद्ध आणि सुंदर  केले आहे या ठिकाणी रोज विविध धार्मिक कार्यक्रम होणार असून रात्री सात ते नऊ नामवंत कीर्तनकारांची कीर्तन होणार आहे  भाविकांना सकाळपासून ते संध्याकाळपर्यंत महाप्रसाद मिळणार आहे तरी  या सप्ताहास येऊन  भाविकांनी महाप्रसादा बरोबर ज्ञानाची शिदोरी घेऊन जावी असे आवाहन महंत दत्तगिरी महाराज यांनी केले आहे