पिंपरणेत आषाढी एकादशी सोहळ्याच्या भक्तीरसात ग्रामस्थांसह चिमुकले रमले

सर्वत्र आाषाढी एकादशीचा उत्साह पाहायला मिळाला. हिंदू धर्मामध्ये आषाढी एकादशीचे खास असे महत्व आहे. वर्षभरातील सर्व एकादशीं पैकी ही आषाढी एकादशी सर्वात मोठी आणि महत्वाची मानली जाते. त्यामुळे, या आषाढी एकादशीला महाएकादशी असे म्हटले जाते. हा एकादशी उत्सव संगमनेर तालुक्यातील पिंपरणे येथील परमपूज्य गगनगिरी महाराज विद्यालय व जिल्हा परिषद प्राथमिक शाळा तसेच अंगणवाडीतील लहान मुले आणि ग्रामस्थ यांनी एकत्र येत मोठ्या उत्साहाच्या वातावरणात  साजरा केला यावेळी विठ्ठल रुक्मिणीची आरती करून रथामध्ये  विठ्ठल रुक्मिणीचे प्रतिमा ठेवून संपूर्ण गावातून मिरवणूक काढण्यात आली टाळ मृदूगांच्या निनादात भावगीत भक्ती तसेच भजनाच्या तालावर पुरुषांनी नाचण्याचा तर  महिलांनी फुगडी चा आनंद घेतला